This content is available in other languages:

Vili fua le Healthline i le: 0800 611 116

Afai o oe po‘o se tasi o lo‘o e tausia e lē o atoa le malosi, e mafai ona e fa‘afeso‘ota‘i le Healthline mo fautuaga faia fua mai tausi ma’i ma sui o le soifua maloloina e tali i ni faalavelave faafuase‘i ua lava le silafia ma iai le tomai.

E avanoa le Healthline i so‘o se taimi o le aso po‘o le po, i aso uma o le vaiaso.

E fiafia le aufaigaluega e fesoasoani ia te oe e o‘o lava i faalavelave itiiti, e lē tau fa‘atali fua seia matuiā ona e fa‘afeso‘ota‘i lea.

Vili le Healthline:

  • pe afai o e popole pe lē mautinoa i tulaga o lo‘o iai lou soifua maloloina poo le soifua maloloina o se isi
  • mo fautuaga e faatatau i se tulaga ua e oo iai ma fesoasoani atu i galuega e tatau ona fai
  • pe afai e leai sau foma‘i fa‘ale‘āiga pe faafaigata ona maua
  • pe a manaomia ni fautuaga e uiga i au fualaau ma vai e inu.
Vili le Healthline: 0800 611 116

Filifili ituaiga auaunaga e talafegai ma oe

  • E avanoa auaunaga faamatala upu pe afai e te manao e te talanoa i lau lava gagana.
  • E avanoa le lagolago a NZ Relay mo e fa‘afeso‘ota‘i mai  tutuli, lē lelei le faalogo, tutulitauaso pe lē lelei foi le tautala.

Auaunaga faamatala upu ma le lagolago a NZ Relay (internal link)

O fa’atinoga pe a ‘e vili le Healthline

A e fa‘afeso‘ota‘i le Healthline latou te fesiligia oe i le mafuaaga o lou feso‘ota‘i atu, ma ni āuga. E mafai ona fa‘aaogā lau telefoni feavea‘i e fa‘aali ai ata e fesoasoani ai i lau faamatalaga. 

E mafai ona latou iloiloina āuga ma tuuina atu fautuaga i le mea e tatau ona fai. E ono aofia ai:

  • vaai faalelei lou tagata po‘o le tagata o lo‘o e fa‘afeso‘ota‘i mai ai, i le fale — e avatu e Healthline se fautuaga pe faapefea ona fai
  • alu e vaai lau foma’i masani
  • mataala i ni āuga ma toe fa‘afeso‘ota‘i pe a faateteleina le tigaina
  • alu i se Urgent Care Centre latalata po‘o le falema‘i o faalavelave faafuase‘i.

E latou te mafai ona fesoasoani e saili auaunaga faalesoifua maloloina e latalata ane ia te oe, o le fa‘ata‘ita‘iga:

  • o se auaunaga a se foma‘i e mafai on tatala i tua atu o itula faatonuina
  • falema‘i o faalavelave faafuase’i
  • faletalavai
  • o se foma‘i nifo e mafai ona fai se taotoga e tua atu o itula faatonuina.

E mafai e le Healthline ona tuusa‘o oe ma auaunaga a le taavale falema‘i pe a manaomia. E faia fua le auaunaga a le taavale a le falema’i i totonu o le ‘a‘ai o Ueligitone. Ae o le lautele o le atunu’u, e iai le tau a St John e totogi mo nisi e feso‘ota‘i atu ile taavale a le falemai.

Ambulance part charges — St John  (external link)

Fesoasoani e fa‘ailoa atu

Open all

E avanoa faamatala upu e tusa ma le 150 gagana ma e mafai e le aufaigaluega a le Healthline ona faatonu se faamatala upu i luga o le telefoni.

A e feso‘ota‘i le Healthline, fai iai e te mana’o i se faamatala upu ma le gagana e te fia talanoa i ai.

O le aufaigaluega a le Healthline e mafai ona galulue faatasi ma le NZ Relay Services e lagolago ia te oe. E faatapulaaina itula a le NZ Relay Services. 

NZ Relay Services (external link)

Talosaga e toe feso‘ota‘i atu

A lē manaomia se fesoasoani poo se fautuaga vave, valaau le Healthline e toe fa‘afeso‘ota‘i atu oe.

O le faiga o lea auala e alu i luga o le healthy.org.nz, tuu i totonu ni faamatalaga, ona toe fa‘afeso‘ota‘i atu ai lea se tasi o tausi ma‘i po‘o se sui o le soifua maloloina e tali i ni faalavelave faafuase‘i mai le Healthline, ia te oe.

Talosaga e toe fa‘afeso‘ota‘i atu — Healthline (external link)

Auaunaga, faamatalaga faalilolilo ma lou aiā tatau

Open all

E lagolagoina e Health New Zealand I Te Whatu Ora le Healthline. Ua saunia nei auaunaga e Whakarongorau Aotearoa — New Zealand Telehealth Services. 

Fa‘afeso‘ota‘iga — Whakarongorau Aotearoa (external link)

O ē fa‘afeso‘ota‘i le Healthline e tutusa o latou aiā tatau ma isi o loo fa‘aaogāina auaunaga o le soifua maloloina.

Faitau faamatalaga faalilolilo a Whakarongorau i luga o lo latou upega o feso‘ota‘iga.

Faamatalaga faalilolilo — Whakarongorau Aotearoa (external link)

O isi auaunaga e maua i luga o le telefoni

Open all

E maua le fesoasoani mo le koviti, fulū, misela ma le tui puipui mo le tale vivini. E avanoa mai le 8:00am i le 6:00pm, mai le Aso Gaufa i le Aso Faraile.

Vili: 0800 28 29 26

O fesoasoani mo tagata e lē atoatoa le malosi e aofia ai le suesuega o le Koviti, fa‘aāogaina o ufi fofoga, togafitiga o le Koviti i le fale ma isi popolega lautele o le soifua maloloina.

O se tagata agava’a pe ua lava lona iloa i  tagata e lē atoatoa le malosi, o le a tali mai i lau valaau i le 8:00am i le 6:00pm, mai le Aso Gafua seia o’o i le Aso Faraile. O tua atu o taimi nā, e tali e se tasi o le aufaigaluega a le Healthline.

Vili: 0800 11 12 13

Text: 8988